Bakı-APA. Ermənilər İsveçin paytaxtı Stokholmda keçirilən “Eurovision-2016” beynəlxalq mahnı müsabiqəsinin final günündə növbəti təxribata əl atıblar. APA-nın “life.ru”-ya istinadən verdiyi xəbərə görə, müsabiqənin final mərhələsi başlamazdan az əvvəl arxasınca qondarma “DQR”-i və Ermənistanın müsabiqədəki təmsilçisi İveta Muçukyanı dəstəkləyən plakat dalğalandıran təyyarə şəhərin üzərində səmada dövr edib.
“Karabach-Iveta” sözləri yazılan plakat yerdən aydın görünüb.
Qeyd edək ki, təyyarə “Eurovision-2016” müsabiqəsinin keçirildiyi “Qloben Arena”nın üzərində bir müddət dövr edib.
Xatırladaq ki, bundan əvvəl mayın 10-da Ermənistanın nümayəndə heyəti “Eurovision-2016” mahnı müsabiqəsinin birinci yarımfinalında təxribata yol verib.
Müsabiqədə iştirak edən erməni nümayəndə heyəti separatçı “DQR” bayrağı dalğalandırıblar.
O zaman təxribatın qarşısı müsabiqənin təşkilatçıları tərəfindən alınıb və qayda pozuntusuna görə erməni nümayəndə heyətinə ciddi xəbərdarlıq edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
