Bakı-APA. Ukrayna prezidenti Pyotr Poroşenko sabiq daxili işlər naziri Yuri Lutsenkonu ölkənin baş prokuroru vəzifəsinə təyin olması barədə fərman imzalayıb. APA-nın “RİA Novosti”yə istinadən verdiyi xəbərə görə, bundan əvvəl Ali Rada Lutsenkonun baş prokuror vəzifəsinə namizədliyini dəstəkləyib.
Qeyd edək ki, 2005-2010-cu illərdə iki dəfə Ukraynanın daxili işlər naziri vəzifəsində çalışıb. 2010-cu ildə o böyük məbləğdə dövlət vəsaitlərini israf etməkdə təqsirləndirilərək həbs olunub.
İki il davam edən istintaqdan sonra Lutsenko təqsirli bilinərək şəxsi əmlakı müsadirə olunmaqla 4 il müddətinə azadlıqdan məhrum edilib.
2013-cü ilin aprelində Lutsenko prezidentin fərmanı ilə əfv olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
