Bakı. Hafiz Heydərov – APA. Azərbaycanda yanacaq daşıyan maşında yanğın olub.
APA-nın Fövqəladə Hallar Nazirliyinin saytına istinadən verdiyi məlumata görə, hadisə Ağstafa rayonu, Qırılı kəndində qeydə alınıb.
“Turan” yanacaqdoldurma məntəqəsinə məxsus “Ural” markalı yanacaq daşıyan avtomobilin arxa təkəri yanıb. Avtomobilin qalan hissəsi yanğından mühafizə olunub.
Yanğın yanğınsöndürənlər tərəfindən söndürülüb.