Bakı – APA. “Neftçi” Avropa Liqasında mübarizəyə III mərhələdən başlaya bilər. Apasport.az xəbər verir ki, buna səbəb “Çelik” (Monteneqro) - "Koper" (Sloveniya) matçının nəticəsinin şübhəli sayılmasıdı.
II təsnifat mərhələsinin ilk oyununda sloveniyalılar səfərdə 5:0 hesablı qələbə qazanıb. Qitə futbol qurumu UEFA isə qarşılaşmanın danışılmış olmasından şübhələndiyindən araşdırmalara başlayıb.
Şübhələrə əsas yaradan “Koper”in rəqibin qapısına asanlıqla 5 cavabsız qol vurmasıdı. Həmçinin, buraxılan ilk qolda “Çelik”in qapıçısının hərəkətləri diqqət çəkib.
Fakt təsdiqlənərsə, hər iki klub cəzalanacaq.
“Çelik” (Monteneqro) - "Koper" (Sloveniya) cütünün qalibi isə II təsnifat mərhələsində “Neftçi” ilə qarşılaşmalıdı. Əgər UEFA hər iki komandanı cəzalandırarsa, onda “Neftçi” mübarizəyə avtomatik olaraq, III mərhələdən başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
