Göygöl. Azər Məmmədli – APA. Göygöldə iki avtomobil toqquşub, onlardan biri yanıb.
APA-nın qərb bürosunun verdiyi məlumata görə, hadisə rayonun Qızılca kəndi ərazisində baş verib.
Gəncə şəhər sakini, Ceyhun Süleymanovun idarə etdiyi “VAZ 21099” markalı avtomobillə Daşkəsən rayon sakini Fidail Ələsgərovun idarə etdiyi “Niva” markalı avtomobil toqquşub. Qəza zamanı “Niva” avtomobili alışaraq yanıb. Əraziyə Göygöl Yanğından Mühafizə hissəsinin avtomobil və canlı qüvvəsi cəlb edilib. Alov qısa zamanda söndürülüb.
Qəza zamanı “VAZ 21099” sürücüsü yüngül xəsarət alıb, “Niva”nın sürücüsü isə müxtəlif bədən xəsarətləri ilə Gəncə şəhər Təcili Tibbi Yardım xəstəxanasına yeləşdirilib.
Faktla bağlı Göygöl rayon Polsi Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
