Bakı. Musa Əhmədov - APA-Economics. 2014-cü ildə Azərbaycan Dövlət Neft Fondu (ARDNF) neftin və qazın Azərbaycan ərazisi ilə ötürülməsindən əldə edilən gəlirlər (tranzit haqqı) 8,9 mln. manat və yaxud 11,4 mln. ABŞ dolları təşkil edib.
“APA-Economics”in məlumatına görə, bu barədə məlumat Nazirlər Kabinetinin 2014-cü ildə fəaliyyəti haqqında hesabatında əks olunub.
Məlumata əsasən, tranzit haqları ilə bağlı daxilolmalar ARDNF-in büdcəsində nəzərdə tutulmuş məbləğə (6,3 mln. manat) nisbətən 142% səviyyəsində yerinə yetirilib. Büdcədə nəzərdə tutulana nisbətən 2,6 mln. manat çox tranzit haqqının köçürülməsi il ərzində hasilatın və ixracın büdcədə nəzərdə tutulandan çox olması ilə izah edilir.