Hacıqabul şəhər sakininin həyətyanı sahəsindən odlu silah aşkarlanıb.
Daxili İşlər Nazirliyinin mətbuat xidmətindən APA-ya verilən xəbərə görə, Hacıqabul Rayon Polis Şöbəsinin əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində şəhər sakini R.Heydərovun həyətyanı sahəsindən torpağa basdırılmış “Naqan” markalı tapança və 2 ədəd patron aşkar edilərək götürülüb.