Bakı-APA. Kanadanın Toronto şəhərində metroda baş vermiş texniki qəza nəticəsində 125 min sərnişin təxliyyə edilib.
APA-nın Reuters agentliyinə istinadən verdiyi xəbərə görə, şəhər metropoliteninin dörd xətti iki saat ərzində bağlı qalıb.
Məlumata əsasən, metronun bütün kommunikasiya sistemləri naməlum səbəbdən sıradan çıxıb.
Qeyd olunur ki, 2015-ci ilin iyulunda Torontoda Panamerika Oyunları keçiriləcək. İyulun 10-da başlayıb, 26-da başa çatacaq Oyunlarda 10 minədək idmançı iştirak edəcək, yarışları 250 min tamaşaçı izləyəcək.