Bakı. Aqşin Rafiqoğlu - APA-Economics. Azərbaycan Dövlət Neft Şirkəti (SOCAR) bu ilin aprel ayında Supsa limanından 254 164 ton xam neft ixrac edib.
SOCAR-dan “APA-Economics”ə verilən məlumata görə, bu, ötən ilin aprel ayı ilə müqayisədə 5,01% çoxdur.
Ümumilikdə, bu ilin yanvar-aprel ayları ərzində Supsa limanından 1 016 454 ton xam neft ixrac edilib. Bu, ötən 2014-cü ilin yanvar-aprel ayları ilə müqayisədə isə 3,12% azdır.
SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.