Yunanıstan məhkəməsi Türkiyədə 15 iyul hərbi çevriliş cəhdindən sonra bu ölkəyə qaçan 8 türk hərbçisindən daha 3-ü barədə qərar verib.
APA-nın "Milliyet"ə istinadən verdiyi məlumata görə, məhkəmə 3 əsgərin Türkiyəyə ekstradisiya edilməsi barədə qərar çıxarıb.
Qeyd edək ki, bir gün əvvəl Yunanıstan məhkəməsi 8 hərbçidən 3-nün Türkiyəyə ekstradisiya edilməməsi barədə qərar verib. Digər iki hərbçi barədə qərarın da yaxın günlərdə veriləcəyi gözlənilir.
Xatırladaq ki, hərbi çevriliş cəhdindən sonra 8 hərbçi “Sikorsky” helikopteri ilə Yunanıstana qaçıb.