Kürdəmirdə ağır yol-nəqliyyat hadisəsi baş verib.
APA-nin yerli bürosunun xəbərinə görə, bu gün axşam saatlarında Bakı-Qazax magistral yolunun 203-cü kilometrliyində, Kürdəmir rayonunun Qarabucaq kəndindən keçən hissəsində Kürdəmir rayonunun Karrar kənd sakini, 1991-cı il təvəllüdlü Elvin Şəmsəddin oğlu Əliyevin idarə etdiyi "Mercedes" markalı minik maşını idarəetmədən çıxaraq yol kənarına aşıb.
Nəticədə sürücü E. Əliyev və sərnişini 1994-cü il təvəllüdlü Ceyhun Akif oğlu Bayramlı müxtəlif xəsarətlər alıblar. Onlar Kürdəmir Mərkəzi Rayon Xəstəxanasına yerləşdirilib.
Faktla bağlı Baş Dövlət Yol Polisinin İstintaq Təhqiqat və Şöbəsində araşdırma aparılır.