Bu gün Bakı Ağır Cinayətlər Məhkəməsində qaçaqmalçılıq yolu ilə Azərbaycana psixotrop maddələr keçirməkdə təqsirləndirilən Şahin Qurbanov və Cavidan Hüseynovun cinayət işi üzrə məhkəmə prosesi yekunlaşıb.
APA-nın xəbərinə görə, hakim Samir Əliyevin sədrliyi ilə keçirilən iclasda hökm oxunub. Hökmə əsasən, Ş.Qurbanov 2 il 3 ay müddətinə azadlıqdan məhrum edilib. Zamində olan Ş. Qurbanov məhkəmə zalında həbs edilib. C.Hüseynov isə 1000 manat məbləğində cərimə edilib.
Qeyd edək ki, onlar Azərbaycana qaçaqmalçılıq yolu ilə külli miqdarda psixotrop maddələr keçirməkdə ittiham olunublar.
Hər iki şəxsin apteki olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
