Bu gün Azərbaycan Milli Elmlər Akademiyasının (AMEA) magistrlərinin məzun günü keçirilib.
APA-nın xəbərinə görə, tədbirdə çıxış edən AMEA prezidenti, akademik Akif Əlizadə akademiyada magistratura pilləsinin yaradılmasını əlamətdar hadisə kimi qiymətləndirib.
O bildirib ki, AMEA-da magistrlərin sosial müdafiəsinin gücləndirilməsi istiqamətində əhəmiyyətli işlər görülür: "Akademiyanın magistrləri işlə təmin olunur, onlar qrant layihələrinə cəlb edilirlər".
AMEA-da magistratura təhsil pilləsinin 2015-ci ildə yaradıldığını xatırladan A. Əlizadə qeyd edib ki, magistrlər dissertasiya tədqiqatlarının nəticələrini yerli və xarici jurnallarda çap etdirirlər: "Akademiyada magistraturanın yaradılması elmlə təhsilin inteqrasiyası istiqamətində çox uğurlu addımdır".
Daha sonra məzunlar çıxış ediblər.
Tədbirin sonunda AMEA-nın məzunlarına diplomlar təqdim edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
