Səudiyyə Ərəbistanının rəhbərlik etdiyi ərəb koalisiyasının dünən axşam Yəməndə qiyamçı husilərin nəzarətində olan Xodeyda şəhərinə endirdiyi aviazərbə nəticəsində ölənlərin sayı 45 nəfərə çatıb.
APA-nın “Reuters” agentliyinə istinadən verdiyi məlumata görə, ölənlər arasında qiyamçılar, o cümlədən Xodeyda şəhəri yaxınlığında yerləşən həbsxanadakı məhbuslar var.
Həbsxanada 80 məhbus olub. Aviazərbə zamanı həbsxanada 3 güclü partlayış baş verib.
Qeyd edək ki, bundan əvvəl aviazərbə nəticəsində 30 nəfərin öldüyü barədə məlumat yayılmışdı.