Bakı. Şəhriyar Əlizadə - APA. Azərbaycanda 3 nəfər bədbəxt hadisə nəticəsində ölüb. APA-nın Daxili İşlər Nazirliyinin saytına istinadən verdiyi məlumata görə, mayın 27-də Ağstafa rayonunun H. Aslanov qəsəbə sakini Fərzalı Babayev elektrik cərəyanı vurması nəticəsində ölüb. Digər hadisələr isə Bakının Nərimanov və Sabirabad rayonlarında qeydə alınıb. Bakı sakini Ayşən Abdullayeva və Sabirabad rayonunun Azadkənd kənd sakini Tamerlan Əliyev elektrik cərəyanı vurması nəticəsində dünyasını dəyişiblər.