Bakı-APA. Kanada hakimiyyəti Hewlett-Packard (HP) şirkətinin dövlət satınalmalarında iştirakına 10 illik qadağa tətbiq edə bilər. APA-nın “Gazeta.ru”ya istinadən verdiyi xəbərə görə, bu barədə The Globe and Mail nəşri yazıb. Qeyd olunan qərara səbəb şirkət nümayəndələrinin sərfəli kontraktlara nail olmaq məqsədilə rusiyalı məmurlara rüşvət verməsidir.
“Qurum ABŞ məhkəməsinin “HP Russia”-nın fəaliyyətinə dair hökmünü nəzərdən keçirir. Hazırda bu qərarın “HP” ilə hazırkı və gələcək əməkdaşlığımızda ola biləcək fəsadlar qiymətlədirilir”, deyə Kanadanın dövlət satınalmaları idarəsinin mətbuat xidmətinin rəhbəri Elison Kvin bildirib.
O qeyd edib ki, Kanada yalnız qanuna əməl edən və şəffaf fəaliyyəti ilə seçilən podratçı şirkətlərlə əməkdaşlıq edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
