Bakı. Şamil Əlibəyli – APA. Ötən il Əfqanıstanda mülki əhali arasında həlak olanların və yaralananların sayı 14 faiz artıb.
APA-nın məlumatına görə, bu barədə BMT-nin dərc etdiyi hesabatda deyilir.
Sənəddə qeyd olunur ki, 2013-cü il 2009-cu ildən bəri qadınlar və uşaqlar arasında həlak olanların və yaralananların sayına görə ən gərgin il olub.
BMT-nin Əfqanıstanda Yardım Missiyası (UNAMA) ötən il ölkədə davam edən münaqişə ilə əlaqədar mülki əhali arasında 2959 ölüm və 5656 yaralanma faktını qeyd edib. Nəticədə 2012-ci il ilə müqayisədə həlak olanların sayında 7 faiz, yalananlar arasında isə 17 faiz artım qeydə alınıb.
2009-cu ildən bu vaxtadək Əfqanıstanda 14 064 mülki şəxs həlak olub, on minlərlə insan yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
