Bakı - APA. “Almaz-Antey” konstruktor bürosu dekabrın 26-da Həştərxan vilayətinin Kapustin Yar poliqonunda Rusiya Müdafiə Nazirliyinə yeni C- 400 zenit raket kompleksini təhvil verib.
APA-nın “İnterfax” agentliyinə istinadən verdiyi xəbərə görə, 2013-cü ilin noyabrında “Almaz-Antey” konstruktor bürosunun baş direktoru Vitali Neskorodov bəyan edib ki, gələn ildən başlayaraq Rusiya ordusu iki-üç komplekt C-400 zenit raket kompleksi ilə təchiz ediləcək.
Qüvvədə olan, 2011-2020-ci illəri nəzərdə tutan Dövlət silahlanma proqramına uyğun olaraq, 28 komplekt zenit raket kompleksinin alınması nəzərdə tutulub. Hazırda Rusiya ordusunun yeddi alayı С-400 zenit raket kompleksi ilə təchiz edilib.
Qeyd edək ki, yeni komplekslərin harada yerləşdiriləcəyi hələlik məlum deyil. İlk 5 alay Moskva ətrafında, Baltik və Sakit okeanı donanmaları və Rusiyanın cənub hərbi dairəsində yaradılıb. Hər alaya hərəsində səkkiz işəsalma qurğulu iki divizion С-400 daxildir.
2013-cü ildən başlayaraq С-400 zenit raket kompleksləri pərakəndə deyil, vahid komplekt şəklində təchiz edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
