Bakı. Şəhriyar Əlizadə - APA. Şəki və Ağdam sakinlərindən xeyli miqdarda narkotik vasitə götürülüb.
APA-nın Daxili İşlər Nazirliyinin saytına istinadən verdiyi məlumata görə, Şəki şəhər Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Elşən Məmmədovun Turan qəsəbəsində yaşadığı evə baxış zamanı 4 kiloqram 50,53 qram marixuana aşkarlanıb.
Ağdam rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində isə Sarıçoban kənd sakini Firdovsi Allahverdiyevin həyətyanı sahəsində kultivasiya yolu ilə yetişdirilmiş 4 ədəd çətənə kolu, evindən isə 1 kiloqram 125 qram marixuana və 2 ədəd çətənə özəyi götürülüb.
Faktlarla bağlı araşdırma aparılır.