Azərbaycan Gürcüstan vasitəsilə Avropaya elektrik enerjisi nəql edə bilər

Azərbaycan Gürcüstan vasitəsilə Avropaya elektrik enerjisi nəql edə bilər
# 24 aprel 2018 15:30 (UTC +04:00)

"Gürcüstan Qara dənizdə sualtı elektrik xətti vasitəsilə Avropanın enerji sisteminə qoşula bilər".

APA-nın yerli bürosunun məlumatına əsasən, bu barədə “Grossenergygroup” şirkətinin nümayəndəsi İrakli Tkebuçava bildirib.

Onun sözlərinə görə, layihənin ilkin texniki-iqtisadi tədqiqatı aparılıb: “Gürcüstanı Bolqarıstan və Rumıniya ilə birləşdirəcək xəttin inşası nəzərdən keçirilir. Tikinti işlərinə təxminən 3 mlrd. dollardan çox vəsaitin xərclənəcəyi nəzərdə tutulur”.

Layihənin həyata keçiriləcəyi təqdirdə Gürcüstan Avropanın enerji şəbəkəsi ilə əlaqəli olacaq. Xəttin köməyi ilə Azərbaycan da Avropaya elektrik enerjisi tədarük edə biləcək.

Layihə ilə bağlı Gürcüstanın hökumət və beynəlxalq təşkilatların nümayəndələri ilə məsləhətləşmələrin aparılması planlaşdırılır.

#
#

ƏMƏLİYYAT İCRA OLUNUR