Xaçmaz. Vəli Turan – APA. Ötən gün axşam saatlarında Xaçmaz – Yalama yolunda yol-nəqliyyat hadisəsi baş verib.
APA-nın şimal bürosunun verdiyi məlumata görə, Xudat-Yalama yolunda Rusiya Federasiyasının Dağıstan Muxtar Respublikasının Dərbənd şəhər sakini, 31 yaşlı Ruslan Novruzovun idarə etdiyi “Lada Largus” markalı avtomobil yoldan çıxaraq aşıb. Hadisə nəticəsində sürücü və 2 sərnişin xəsarət alıb. Onlar Xaçmaz Mərkəzi Rayon Xəstəxanasına yerləşdirilib. Sürücü R. Novruzova sağ tərəfdən döş qəfəsinin əzilməsi, sərnişinlər - Dərbənd şəhər sakinləri, 33 yaşlı Paşa Şahmuradovaya bel nahiyəsinin sol tərəfinin sıyrıntıları, 29 yaşlı Rüstəm Qasımova isə sağ bud çanaq oynağının yumşaq toxumalarının əzilməsi diaqnozu qoyulub.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
