APA-nın “TASS”a istinadən verdiyi xəbərə görə, bu barədə o bu gün keçirilmiş mətbuat konfransında bildirib.
“Mən diqqətlə prezidentliyim və həyatımın son 40 ilini necə yaşadığım barədə düşündüm. Bu illər FİFA ilə və idmanın ən gözəl növü olan futbolla sıx əlaqəli olub. Mən FİFA-nə çox sevirəm və futbolun inkişafı üçün əlimdən gələni etməyə hazıram. Mən FİFA prezidentliyinə namizədliyimi verməyə qərara aldım, çünki əmin idim ki , futbol üçün hələ çox etmək etmək iqtidarındayam. Lakin çağırışlar bitməyib. FİFA-ya dərin struktur dəyişiklikləri gərəkdir.
Mənim yenidən seçilməyim futbolun bütün subyektləri tərəfindən dəstəklənmədi. Bu səbəbdən mən belə qərar verdim: təcili konqres çağırılsın və həmin konqres zamanı mən səlahiyyətlərimi buraxacam. Konqres mümkün qədər tez çağırılmalıdır, çünki növbəti konqres gələn ilin mayında Mexikoda nəzərdə tutulub”, deyə Blatter qeyd edib.
Blatter FİFA üzvlərinin iştirakçısı olduğu korrupsiya qalmaqallarında öz günahının olduğunu da etiraf edib: “Biz konfederasiya üzvlərinin əməllərinə görə cavab verə bilmərik, lakin FİFA adı altında baş verənlərə görə məsuliyyət daşıyırıq”, deyə Blatter qeyd edib.
Qeyd edək ki, FİFA-nın təcili konqresi 2015-ci ilin dekabrından 2016-cı ilin martınadək dövr ərzində baş tutacaq.
Xatırladaq ki, ABŞ-da aparılan istintaq çərçivəsində bu ölkənin hüquq-mühafizə orqanlarının müraciəti əsasında İsveçrədə FİFA-nın 9 nümayəndəsi korrupsiyada ittiham olunaraq həbs edilmişdi.
1998-ci ildən FİFA-ya rəhbərlik edən 79 yaşlı Yozef Blatter mayın 29-da növbəti dörd il müddətinə FİFA-nın prezidenti seçilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
