Sosial

Ana səhifə

Sosial

BDU-nun nəzdində fəaliyyət göstərən “Gənc istedadlar” liseyində “Son zəng” keçirilib - FOTOSESSİYA

BDU-nun nəzdində fəaliyyət göstərən “Gənc istedadlar” liseyində “Son zəng” keçirilib - <span style="color: red;">FOTOSESSİYA

29 may 2015 11:44 (UTC +04:00)

Bakı-APA. Bu gün Bakı Dövlət Universitetinin (BDU) nəzdində fəaliyyət göstərən “Gənc istedadlar” liseyində “Son zəng” keçirilib.

BDU-nun mətbuat və informasiya şöbəsindən APA-ya verilən məlumata görə, rektor, akademik Abel Məhərrəmov məzunları və onların valideynlərini təbrik edib, hər il olduğu kimi bu il də liseyi bitirən məzunların hamısının tələbə adına layiq görüləcəyinə, xalqımızın gələcəyi naminə görülən böyük işlərin iştirakçılarına çevriləcəyinə inandığını bildirib.

Rektor liseyin 8 illik fəaliyyət dövründən danışıb, məzunlarının dünyanın nüfuzlu universitetlərində təhsil aldığını vurğulayıb. Akademik Abel Məhərrəmov liseyin məzunlarına və şagirdlərinə öz tövsiyəsini verib, onları bir daha təbirik edib.

Liseyin direktoru, professor Qasım Hüseynov bu il 57 nəfərin məzun olduğunu, onların yüksək bal toplayıb istədikləri ali məktəblərə qəbul olacağına inandığını bildirib.

Daha sonra valideynlər adından Sənan Babayev, məzunlar adından keçən il 695 balla ən yüksək nəticə göstərən məzun Mustafa Hacıyev çıxış edib.

Tədbir lisey şagirdlərinin hazırladıqları proqramla davam edib.