Bakı – APA. Bu gün AFFA-nın prezidenti Rövnəq Abdullayev FİFA-nın prezidenti Yozef Blatterlə görüşüb. Apasport.az saytının məlumatına görə, İsveçrənin Sürix şəhərindəki görüş AFFA-nın təşəbbüsü ilə baş tutub.
Tədbirdə "Azərbaycan Respublikasında 2005-2015-ci illərdə futbolun inkişafına dair Dövlət Proqramı”nın icrası ilə bağlı AFFA tərəfindən hazırlanmış hesabat kitabı FİFA prezidentinə təqdim olunub. Görüş zamanı ölkəmizdə futbolun inkişafının perspektivləri barədə fikir mübadiləsi aparılıb.
Tədbirdə FİFA-nın baş katibi Cerom Valcke, AFFA-nın vitse-prezidenti Elşad Nəsirov və baş katib Elxan Məmmədov iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
