"Bir neçə bankda kapitallaşma ilə bağlı danışıqlar davam edir. Biz prosesin tezliklə yekunlaşmasını gözləyirik". "APA-Economics" xəbər verir ki, bunu "Fitch" beynəlxalq reytinq agentliyinin bu gün Bakıda keçirilən VI illik konfransında Maliyyə Bazarlarına Nəzarət Palatasının (MBNP) Strateji xidmətlər departamentinin Prudensal siyasət və metodologiya şöbəsinin müdiri Rüstəm Tahirov deyib.
Onun sözlərinə görə, MBNP və banklar arasında kapital və kredit riskləri ilə bağlı danışıqlar aparılır.
R.Tahirov onu da qeyd edib ki, Dünya Bankının dəstəyi ilə "Banklar haqqında" qanuna dəyişikliklərlə bağlı layihə hazırlanıb. "Bu layihə Milli Məclisə təqdim olunub. Qanun layihəsinin qəbul edilməsi sistemi əhatə edən problemlərin həllinə imkan verəcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
