Birja

Ana səhifə

Birja

FED bu il uçot dərəcəsini iki dəfə artıracaq - SORĞU

FED bu il uçot dərəcəsini iki dəfə artıracaq - <span style="color: red;">SORĞU

23 aprel 2016 11:01 (UTC +04:00)

Bakı - APA-Economics. ABŞ-ın Federal Ehtiyatlar Sistemi (FED) bu il ərzində uçot dərəcəsini iki dəfə artıracaq. "APA-Economics" xəbər verir ki, bu barədə "Reuters" agentliyi yazır.

Agentliyin keçirdiyi sorğuda iştirak edən iqtisadçı və analitiklərin 80%-i hesab edir ki, ilk artım iyun ayında, ikinci isə ilin sonunda baş verəcək.

İqtisadçıların fikrincə, iyunda FED rəhbərliyi uçot dərəcəsini 0,5-0,75%-dək artıracaq.

Bununla yanaşı, ekspertlər hesab edir ki, aprelin 26-27-də baş tutacaq növbəti toplantıda FED uçot dərəcəsini dəyişməyəcək.

Qeyd edək ki, martda baş tutan son iclasda FED uçot dərəcəsini dəyişməyərək 0,25-0,50% diapazonunda saxlayıb. ABŞ Mərkəzi Bankı bunu qlobal iqtisadiyyatda mövcud olan risklərlə izah edib.