MDB

Ana səhifə

MDB

Rusiyanın Xəzərdən Suriyaya raket atışlarına görə Almatı-Bakı aviareysinin uçuş marşrutu dəyişib - VİDEO

Rusiyanın Xəzərdən Suriyaya raket atışlarına görə Almatı-Bakı aviareysinin uçuş marşrutu dəyişib - <span style="color: red;">VİDEO

16 oktyabr 2015 09:15 (UTC +04:00)

APA-nın "Almatı TV“-yə istinadən verdiyi məlumata görə, buna səbəb Rusiya hərbi gəmilərinin raketləri Xəzər dənizindən atmasıdır.

Yaxın vaxtlarda Almatı-Tiflis və Almatı-İstanbul aviareyslərinin uçuş marşrutları da dəyişə bilər. Təyyarələr aviareysləri Xəzər dənizinin üzərindən keçməməklə həyata keçirəcək. Hazırda “Air Astana” Rusiya tərəfindən müvafiq icazəni gözləyir. Çünki nəzərdə tutulan marşrutlar məhz Rusiya ərazisindən keçəcək.

“Air Astana” aviaşirkətinin verdiyi məlumata görə, dəyişiklik nəticəsində Almatıdan Bakıya uçuşun müddəti 15 dəqiqə artacaq. Yəni əvvəlki 3 saat 25 dəqiqə əvəzinə aviareysin yerinə yetirilməsi üçün 3 saat 40 dəqiqə vaxt sərf olunacaq. Yanacaq sərfiyyatı da artacaq, lakin bu, aviabiletlərin qiymətinə təsir göstərməyəcək.

Qeyd edək ki, Azərbaycan Dövlət Mülki Aviasiya Administrasiyası Azərbaycan hava məkanının istifadəsinə heç bir məhdudiyyət olmadığı barədə bəyanat yayıb. Bəyanatda bildirilir ki, uçuşlar bütün təhlükəsizlik tədbirləri və normalarına riayət olunmaqla Beynəlxalq Mülki Aviasiya Təşkilatının (ICAO) standartlarına və tövsiyələrinə uyğun həyata keçirilir.