Bakı. Türbət Bağırova - APA. “NATO sülhün əldə edilməsi üçün birlik, həmrəylik, ən əsası isə qətiyyət nümayiş etdirməlidir”.
APA-nın xəbərinə görə, bunu Polşa prezidenti Anjey Duda alyansın Varşava sammiti çərçivəsində ekspertlər forumunda çıxışı zamanı deyib.
A. Duda qeyd edib ki, alyansın əsas funksiyası sülhün müdafiə olunmasıdır. Krımın işğalı, Donbas, Suriyada baş verən müharibə, kütləvi miqrasiyanın beynəlxalq nizama ciddi təsir etdiyini deyən Polşa prezidenti müasir dünyada insanlar arasında təşviş olduğunu diqqətə çatdırıb: “Bu bizim qarşımızda böyük öhdəliklər qoyur. Əlimizdən gələni etməliyik ki, insanların sülh içində, qorxusuz yaşamasına töhfə verək. NATO Varşava sammitində birlik, həmrəylik, ən əsası isə qətiyyət nümayiş etdirməlidir. Ənənəvi və ya hibrid təhlükələrə qarşı birgə mübarizə aparmalıyıq”.
Polşa prezidenti qeyd edib ki, Varşava sammit alyansa üzv olmağa can atan ölkələrlə əməkdaşlıq üçün də əla imkandır: "“Bura Gürcüstan, Ukrayna, Moldova ilə əlaqələrimizin genişlənməsi də daxildir”.
Transatlantik təhlükəsizliyin təmin edilməsində ABŞ və Kanadanın əvəzsiz rolu olduğunu deyən A. Duda Avropa İttifaqını da alyansın həlledici tərəfdaşı adlandırıb.
Polşa prezidenti: “NATO sülhün əldə edilməsi üçün birlik, həmrəylik, ən əsası isə qətiyyət nümayiş etdirməlidir”
08 iyul 2016 09:45 (UTC +04:00)
Avropa
Fransanın iqtisadiyyat naziri avtomobili ilə velosipedçini vurub
13:01
4 may 2024
Aİ Ukraynadakı müharibənin tez başa çatmasının yollarını açıqlayıb
03:25
4 may 2024
Berlində texnologiya şirkəti yanıb, zəhərli qazların yayılması ehtimalı ilə bağlı xəbərdarlıq edilib
18:57
3 may 2024
Aİ, Fransa və Çin liderlərinin üçtərəfli görüşü olacaq
14:39
3 may 2024