Lənkəran. Ağəddin Babayev - APA. Lənkəran Şəhər-Rayon Polis Şöbəsi (ŞRPŞ) ilə rayon Baytarlıq İdarəsi əməkdaşları rayonda qanunsuz ət tədarükünə qarşı reyd keçiriblər. APA-nın cənub bürosunun məlumatına görə, reyd zamanı rayonun Osaküçə kəndi ərazisindəki meşə massivində mənşəyi məlum olmayan, qida üçün yararlığı şübhə doğuran ümumilikdə 150 kiloqram çəkidə 3 baş iribuynuzlu heyvan cəmdəyi aşkar edilərək götürülüb.
Lənkəran Baytarlıq İdarəsindən bildiriblər ki, aşkarlanmış heyvan cəmdəkləri müayinə olunmaq üçün Respublika Baytarlıq Laboratoriyasına təhvil veriləcək.
Faktla bağlı Lənkəran ŞRPŞ-də araşdırmalara başlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
