Bakı. Şəhriyar Əlizadə - APA. Göyçay rayonunda kanaldan tapılan meyitin şəxsiyyəti bəlli olub.
APA-nın DİN-in saytına istinadən verdiyi məlumata görə, polis əməkdaşları tərəfindən Şirvan kanalının rayonun Bığır kəndindən keçən hissəsində tapılmış 60-65 yaşlı meyitin ötən il dekabrın 12-də itkin düşmüş İsmayıllı şəhər sakini Bəxtiyar Nəsirov olması məlum olub.
Meyitin üzərində zorakılıq əlamətləri görünməyib və qismən çürüməyə məruz qaldığı bildirilib.
Faktla bağlı araşdırma aparılır.