Bakı. Türbət Bağırova - APA. Rusiya nümayəndə heyəti AŞPA-nın qış sessiyasında iştirak etməyəcək. APA-nın xəbərinə görə, bu barədə RBK-ya Dövlət Duması və Federasiya Şurasındakı mənbədən bildirilib.
Məlumata görə, artıq bununla bağlı yekun qərar qəbul edilib.
Xatırladaq ki, AŞPA-nın qış sessiyasında iştirak etməklə bağlı müzakirələr yanvarın 15-də keçirilib.
Müzakirələrdə müvafiq olaraq parlamentin yuxarı və aşağı palatalarının sədrləri Valentina Matviyenoko və Sergey Narışkin də iştirak ediblər.
“Xarici İşlər Nazirliyi bir neçə variantın nəzərdən keçirildiyi məruzə hazırlamışdı. Lakin Rusiyanın AŞPA-da tapdalanmış hüquqlarının bərpa ediləcəyi ilə bağlı təminat yoxdur. Biz Strasburqa növbəti siyasi hədə-qorxularla üzləşməyə getmək istəmirik", - deyə Dövlət dumasındakı mənbə qeyd edib.
Bununla yanaşı, qeyd edilib ki, AŞPA yanvarın 25-də Rusiyaya öz səlahiyyətlərini qaytarsa, vəziyyət dəyişəcək.
Rusiyanın AŞPA-nın qış sessiyasına gedəcəyi ilə bağlı rəsmi qərarın bu gün Serqey Narışkin tərəfindən açıqlanacağı gözlənilir.
Qeyd edək ki, AŞPA-nın qış sessiyası yanvarın 25-dən 29-dək Strasburqa keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
