Bakı. Mübariz Aslanov – APA. “İnsan haqları üzrə İşçi Qrupunda müzakirə olunan məsələlər nəzərə alınır və lazımi qaydada təqdim edilir. Prezident İlham Əliyevin son bir neçə əfv sərəncamında məhz İşçi Qrupun təqdimatları öz əksini tapıb”.
APA-nın məlumatına görə, bunu İnsan haqları üzrə İşçi Qrupun bu gün keçirdiyi dinləmələrdə Prezident Administrasiyasının Hüquq-mühafizə orqanları ilə iş şöbəsinin sektor müdiri Çingiz Əsgərov deyib. O qeyd edib ki, qrupun fəaliyyəti çox səmərəlidir: “Azərbaycanda vətəndaş cəmiyyətinin nümayəndələri ilə hökumət arasında dialoq çox yaxşı, səmərəli, açıq-aşkar şəkildə aparılır”.