Bu gün Bütöv Azərbaycan Xalq Cəbhəsi Partiyası (BAXCP) Ali Məclisinin növbəti iclası keçirilib.
Partiyanın mətbuat xidmətindən APA-ya bildirilib ki, iclasda təşkilat məsələləri, ictimai-siyasi vəziyyət və digər məsələlər müzakirə olunub. Təşkilat məsələlərinin müzakirəsi çərçivəsində Yaşar Kələntərli BAXCP-nin baş katibi vəzifəsinə təyin olunduğu üçün Ali Məclisin sədri vəzifəsindən istefa verdiyini bəyan edib. Səsvermə nəticəsində Yaşar Kələntərlinin istefası qəbul olunub və BAXCP Ali Məclisinin elm və təhsil komitəsinin sədri Vaqif Abışov BAXCP Ali Məclisinin sədri seçilib. Daha sonra Ali Məclisin Ailə, qadın və uşaq məsələləri üzrə komitəsinin sədri vəzifəsinə seçkilər keçirilib. Nərmin Əzizova Ali Məclisin Ailə, qadın və uşaq məsələləri üzrə komitəsinin sədri seçilib.
İctimai-siyasi vəziyyətin müzakirəsi çərçivəsində BAXCP-nin sədri, millət vəkili Qüdrət Həsənquliyev geniş məruzə ilə çıxış edib. Dünyada, regionda və ölkədə baş verən iqtisadi-siyasi proseslərlə bağlı BAXCP-nin illər öncə apardığı təhlillərin özünü doğrultuğunu, bu təhlillər əsasında irəli sürülən təkliflərin getdikcə daha çox aktuallıq qazandığını deyən Qüdrət Həsənquliyev partiyanın hər zaman olduğu kimi Azərbaycanın milli maraqlarından çıxış etdiyini xatırladıb. BAXCP sədri siyasi sabitliyin və islahatların yuxarıdan aşağı aparılmasının ölkənin inkişafı üçün mühüm əhəmiyyət kəsb etdiyini bildirib və qeyd edib ki, Azərbaycanda iqtisadi, siyasi və hüquqi islahatların həyata keçirilməsi intensivləşdirilməli, sahibkarlığın inkişafı üçün səmərəli və təxirəsalınmaz tədbirlər həyata keçirilməlidir.
BAXCP sədri işğal altında olan Azərbaycan torpaqlarının azad edilməsi ilə bağlı yaranmış son duruma da diqqət çəkib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
