Misirin Əl-Mansura şəhərində beşmərtəbəli yaşayış binası uçub, ilkin məlumata görə, 3 nəfər ölüb, daha 9 nəfər isə xəsarət alıb. APA-nın RİA “Novosti”yə istinadən verdiyi xəbərə görə, uçan bina uzun müddət qəzalı vəziyyətdə olub. Ölənlər arasında 7 yaşlı qızın da olduğu bildirilir.
Misirdə təhlükəli vəziyyətdə olan 2 milyonadək bina var. 100 mindən çox qanunsuz tikilən binanın sökülməsi barədə qərar verilməsinə baxmayaraq, onların əksəriyyəti hələ də istifadə olunmaqdadır.