Gəncə şəhərində yağış sularının ötürülməsi üçün müasir tipli xətlərin çəkilməsinə başlanılıb. APA-nın məlumatına görə, ilkin olaraq şəhərin Heydər Əliyev prospektində 800 metr və Nizami prospektində 360 metr məsafədə işlərə start verilib.
Yağış suları prospektlərə qoyulan borular vasitəsi ilə Gəncə çayına töküləcək. Eyni zamanda, bu prospektlərin asfalt qatı daş örtüklə əvəzlənəcək. Yaxın zamanlarda Heydər Əliyev prospekti ilə Həsən Əliyev küçəsinin kəsişməsində inşa olunan yeraltı keçid də istifadəyə veriləcək. Layihəyə əsasən 3 çıxışı olan keçid Gəncə Dövlət Universitetinin əsas binasını, Şah Abbas Məscidi və tikilməkdə olan ticarət mərkəzini birləşdirəcək. Heydər Əliyev prospekti ilə Cavad xan küçəsinin kəsişməsində tikilən keçiddə də işlər qrafikə uyğun davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
