Salyan. Əlibəy Zeynallı-APA. Salyanda körpü tikintisində çalışan “EVRASCON” şirkətinin fəhlələri əmək haqlarının gecikdirilməsinə etiraz ediblər.
“EVRASCON” şirkətində işləyənlərin bildirdiyinə görə, tikintidə təxminən 1200 nəfərə qədər işçi çalışır. Onlardan 150-200 nəfəri günə muzdla çalışanlar, qalanları isə əmək müqaviləsi ilə işləyənlərdir: "Hazırda şirkətdə əmək müqaviləsi ilə işləyənlərə 4 ayın əməkhaqqı ödənilməyib. Şirkət rəsmisi cümə günü may ayının əmək haqqının ödəniləcəyinə söz verib. Sentyabrın axırında isə iyun ayının əmək haqqı veriləcək".
“EVRASCON” şirkətinin Direktorlar Şurasının sədri Manaf Şirinov APA-nın Mil-Muğan bürosuna bildirib ki, Salyan rayonunda “EVRASCON” şirkəti tərəfindən Ələt-Astara magistral yolunun üstündə tikintisi aparılan körpüdə çalışan fəhlələrin əmək haqlarının gecikməsinə səbəb büdcə ödəməsinin gecikməsidir: " Yaxın bir həftə ərzində bütün işçilərə bir ayın əmək haqqı ödəniləcək. Ayın axırında isə digər ayın əmək haqqı da ödəniləcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
