Türkiyə Suriyada İŞİD-ə qarşı apardığı əməliyyatlara ABŞ-ın rəhbərlik etdiyi koalisiyadan dəstək istəyib.
APA-nın “Reuters”ə istinadən verdiyi məlumata görə, bunu prezident Rəcəb Tayyib Ərdoğanın sözçüsü İbrahim Kalın deyib.
“Bizim terrorçulara qarşı Əl-Babda apardığımız əməliyyatlara beynəlxalq koalisiya havadan dəstək verməlidir. Lazımi dəstəyin verilməməsi qəbuledilməzdir”, - deyə o, söyləyib.
Qeyd edək ki, Türkiyə Silahlı Qüvvələri avqustun 24-də müxalif Azad Suriya Ordusu ilə birlikdə Suriyanın şimalında “Fərat qalxanı” adlı əməliyyata başlayıb. İndiyədək bu əməliyyatlarda 38 türk hərbçisi həlak olub.