Bakı. Şəhriyar Əlizadə - APA. Bakı Apellyasiya Məhkəməsində Müdafiə Nazirliyinin vətəndaş Əhmədova Gülbəniz Arif qızı adlı şəxsə qarşı verdiyi apellyasiya şikayətinə baxılıb.
APA-nın məlumatına görə, məhkəmə şikayəti təmin edib. Birinci instansiya məhkəməsinin qərarı ləğv edilib.
Qeyd edək ki, Gülbəniz Əhmədova müharibə veteranı adının verilməsi barədə iddia tələbi ilə 1 saylı Bakı İnzibati - İqtisad Məhkəməsinə müraciət edib.
Məhkəmə iddianı təmin edib. Nazirlik həmin qərardan apellyasiya şikayəti verib.