Bakı-APA. Ukraynanın Birinci Dövlət Televiziyası Bakı-2015 I Avropa oyunlarının iştirakçıları haqqında sənədli film yayımlayacaq.
APA-nın Televiziyanın mətbuat xidmətinə istinadən məlumatına əsasən, televiziya film 6 hissədən ibarətdir və hər bir hissə 20 dəqiqədir. Filmdə Ukrayna yığmasının ayrı-ayrı üzvlərindən və məşqçilərindən bəhs ediləcək. İdmançıların I Avropa Oyunlarına hazırlığı, Bakıdakı çıxışları, mükafatçıların və qaliblərin müsahibələri yer alacaq. İlk Avropa oyunlarından bəhs edən sənədli filmin Ukraynanın Birinci Dövlət kanalında iyunun 30-dan başlayaraq, çərşənbə axşamları yayımlanması nəzərdə tutulur.
Qeyd edək ki, Ukraynanın Birinci Dövlət Televiziyası Bakı - 2015 Avropa Oyunlarına 100 saatdan artıq efir vaxtı ayırmaqla, yanaşı oyunlarla bağlı 20 veriliş, 2700 reklam çarxı yayımlamaqdadır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
