Bakı – APA. Çempionlar Liqasının 2014/15 mövsümünün ilk 2 təsnifat mərhələsində çıxış edəcək 37 klubdan 30-u müəyyənləşib. Apasport.az saytının məlumatına görə, bu komandalardan 10-u Azərbaycanı qitənin ən nüfuzlu klub turnirində təmsil edəcək “Qarabağ”ın potensial rəqibidir.
I təsnifat mərhələsinin 6 komandasından yalnız biri bəlli deyil. Bu siyahıya sonuncu olaraq Ermənistan çempionu “Banants” da qoşulub. Artıq ən zəiflər sırasında təkcə San-Marinonun ən yaxşısı bilinmir.
Bu mərhələnin 3 qalibinin də qoşulacağı nisbətən güclü 31 çempiondan isə altısının – Polşa, Serbiya, Lüksemburq, Monteneqro, Macarıstan və Sloveniya təmsilçilərinin kimliyi dəqiqləşməyib. Digər 25 ölkənin çempionlarından 11-nin püşk zamanı səpələnmiş, 10-nun səpələnməmiş olacağı indidən məlumdur.
Güclülərin səbətində yer alacaq “Qarabağ”ın 10 potensial rəqibi sırasına “Stromsqodset” (Norveç), “Reykyavik” (İslandiya) və “Rabotniçki” (Makedoniya) də əlavə olunub. Bu “onluğ”a I təsnifat mərhələsinin 3 qalibi, Lüksemburq və Monteneqro çempionları da qoşulacaq. Sloveniya və Macarıstanda indiki liderlərin müvafiq olaraq, “Maribor”la “Debretsen”in qalib gələcəyi halda, “Dinamo” (Gürcüstan) və “Malmö” (İsveç) potensial rəqiblərimizdən olacaq.
I təsnifat mərhələsi
Səpələnmişlər
“Torshavn” (Farer adaları), “Levadiya” (Estoniya), “Santa Koloma” (Andorra)
Səpələnməmişlər
“Linkoln” (Cəbəllütariq), “Banants” (Ermənistan), San-Marino çempionu
II təsnifat mərhələsi
Səpələnmişlər
“Sytaua” (Rumıniya), “Seltik” (Şotlandiya), BATE (Belarus), “Sparta” (Çexiya), “Dinamo” (Xorvatiya), “Ludoqorets” (Bolqarıstan), “Makkabi” (Təl-Əviv. İsrail), “Şerif” (Moldova), “Slovan” (Slovakiya), “Aktobe” (Qazaxıstan), “Ventspils” (Latviya), “QARABAĞ” (AZƏRBAYCAN), HİK (Finlandiya), Polşa və Serbiya çempionları
Səpələnməmişlər
“Stromsqodset” (Norveç), “Reykyavik” (İslandiya), “Sent Patriks” (İrlandiya), TNS (Uels), “Skenderbeu” (Albaniya), “Zrinski” (Bosniya və Hersoqovina), “Valletta” (Malta), “Rabotniçki” (Makedoniya), “Jalgiris” (Litva), “Kliftonvill” (Şimali İrlandiya), Lüksemburq və Monteneqro çempionları, I təsnifat mərhələsinin 3 qalibi
Qeyri-müəyyənlər
“Dinamo” (Gürcüstan), “Malmö” (İsveç), Macarıstan, Sloveniya
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
