Bakı - APA. Mərdəkan Şağan İdman Olimpiya Kompleksində yeniyetmələr, gənclər və böyüklər arasında sambo idmanı üzrə Azərbaycan kuboku çempionatı keçirilib.
FHN İdman-Sağlamlıq Klubundan APA-ya verilən məlumata görə, çempionatda 32 komanda və 500-ə yaxın idmançı iştirak edib.
Yarışda FHN-in komandasının üzvü Elçin Heybətov 81 kq çəki dərəcəsində bütün rəqiblərinə qalib gələrək fəxri kürsünün ən yüksək pilləsinə qalxıb.