Bakı. Aqşin Rafiqoğlu - APA-Economics. Ötən il ərzində Azərbaycanın xarici ticarət əməliyyatlarının həcmi 20 mlrd. 645 mln. 880,2 min ABŞ dolları təşkil edib. “APA-Economics”in Azərbaycan Dövlət Gömrük Komitəsinə istinadən verdiyi məlumata görə, bu, ötən ilin müvafiq dövrünə nisbətən 33,44% azdır.
2015-ci ildə idxal əməliyyatları 9 mlrd. 221 mln. 402,86 min dollar olub ki, bu da 2014-cü illə müqayisədə 0,36% çoxdur.
Belə ki, ötən il ərzində ölkənin ixrac əməliyyatları üzrə 11 mlrd. 424 mln. 477,34 min dollar olub ki, bu ötən illə müqayisədə 47,66% azdır.
Nəticədə 2 mlrd. 203 mln. 74,48 min dollar müsbət saldo yaranıb ki, bu da 2014-cü illə müqayisədə 5,73 dəfə azdır.