Bakı – APA. Qadın basketbolçular arasında kiçik ölkələrin Avropa çempionatında növbəti oyunlar keçirilib.
Apasport.az saytının məlumatına görə, Azərbaycan milli komandası yarışda son matçına çıxıb.
Baş məşqçi Tatyana Slojenitsinanın yetirmələri Cəbəllütariqlə qarşılaşıb. 5-7-ci yerlər uğrunda mübarizə aparan qrupun 2-ci oyunu millimiz üçün uğurlu alınıb.
Komandamız turnirdəki ilk qələbəsini əldə edib – 69:50 (12:6, 18:16, 17:14, 22:14). Bu qələbə millimizi qrupda 1-ci, ümumi sıralamada 5-ci yerə yüksəldib. Lakin son turun Uels – Cəbəllütariq qarşılaşması turnir cədvəlində dəyişikliyə səbəb ola bilər. Sonuncular 36-dan az top fərqi ilə qalib gəlsə, millimiz çempionatı 5-ci yerdə tamamlayacaq. Digər hallarda isə komandamız 6-cı olacaq.
yer |
komanda |
O |
Q |
M |
T/F |
X |
1 |
Azərbaycan |
2 |
1 |
1 |
136-119 |
3 |
2 |
Uels |
1 |
1 |
0 |
69-67 |
2 |
3 |
Cəbəllütariq |
1 |
0 |
1 |
50-69 |
1 |
Qeyd edək ki, Azərbaycan yığması I mərhələdəki hər 3 oyununda məğlub olmuşdu. Yığmamız Şotlandiyaya 56:66, Avstriyaya 29:94, Uelsə 67:69 hesabı ilə uduzmuşdu.