Bu ilin yanvar-iyun aylarında Saratov vilayətinin ixrac strukturunda Azərbaycanın payı 6% təşkil edib. “APA-Economics” “Rusiya İxracatçıları”na istinadən xəbər verir ki, bu ilin ilk altı ayında Saratov vilayətinin ixracı 629,78 milyon dollar olub. Ötən ilin müvafiq göstəricisi ilə müqayisədə Saratov vilayətinin xarici ticarət dövriyyəsi 5% artıb, ixracat isə əvvəlki ilin səviyyəsində qalıb.
İxrac strukturunda ərzaq məhsulları və kənd təsərrüfatı xammalının (52%), metalların və onlardan hazırlanan məhsulların (2 dəfə) tədarükü artıb.
Saratov vilayətinin xarici ölkələrlə ticarət dövriyyəsi 711,59 mln. dollar (2019-cu ilin yanvar-iyun ayları ilə müqayisədə 1% atıb), MDB ölkələri ilə 285,04 mln. (artıb 19%), xüsusən də, Avrasiya İqtisadi Birliyi üzvü olan ölkələrlə isə 164,27 mln. dollar (artım 22%) təşkil edib.
Saratov vilayətinin ticarət tərəfdaşları 99 ölkə olub. Əsas ixrac istiqamətləri Qazaxıstan (14%), Braziliya (13%), Türkiyə (12%), Almaniya (6%), Azərbaycan (6%), Özbəkistan (5%), Belarus (5%), Latviya ( 4%) və Polşa (4%) olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
