Azərbaycan Şərq Tərəfdaşlığı regionunda ixracını 6% artırıb, əlavə 40% artırmaq potensialı da var. Bu isə illik üçün 77,8 milyon dollar ixrac potensialı deməkdir.
"APA-Economics" xəbər verir ki, bunu ŞT Ticarət Yardım Masası platformasının təqdimat mərasimində Beynəlxalq Ticarət Mərkəzinin nümayəndəsi Martiz Lopez deyib.
M.Lopez bildirib ki, Azərbaycanın kimya sektoru 2026-cı ilə qədər ixracını iki dəfə artıra bilər. Bu baxımdan Azərbaycan məhsullarının Aİ bazarları ixrac imkanları yaranıb.
"Azərbaycanın meyvə-tərəvəz sektoru 2026-cı ilə qədər Almaniya, Yunanıstan, İtaliya və Rumıniya bazarları da daxil olmaqla, bu bazarlar üzrə müvafiq olaraq 15 milyon avro və 23 milyon avrodan çox ixrac potensialına malikdir", - deyə o əlavə edib.
O qeyd edib ki, ŞT Ticarət Yardım Masası platformasının mövcud və yeni müəyyən edilmiş bazarlar üzrə bazar tələbləri barəsində təfsilatlı məlumat mövcuddur. Layihə 2024-cü ilə qədər fəaliyyət göstərəcək. Platforma istifadəyə verildikdən sonra, BTM Azərbaycan şirkətləri ilə onların biznes mühiti barədə sorğu keçirəcək və xidmət sənayesi barədə məlumatların toplanmasının təkmilləşdirilməsi istiqamətində çalışacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
