Sentyabrda Rusiya Federasiyasının Novosibirsk vilayətindən Azərbaycana 4,9 ton ördək əti idxal olunub.
“APA-Economics” Rusiyanın Baytarlıq və Fitosanitar Nəzarəti üzrə Federal Xidmətinin ("Rosselxoznadzor") yaydığı məlumata istinadən xəbər verir ki, çatdırılmalar idxalçı ölkənin səlahiyyətli orqanı ilə razılaşdırılmış baytarlıq sertifikatının müşayiəti ilə avtomobil yolu ilə həyata keçirilib.
Ördək ətinin ilk ixrac partiyası “Rosselxoznadzor”un regional şöbəsinin mütəxəssislərinin nəzarəti altında Novosibirsk quşçuluq müəssisələrindən birində hazırlanıb.
Məhsullar keyfiyyət və təhlükəsizlik üçün lazımi laboratoriya nəzarətindən keçib, Avrasiya İqtisadi İttifaqının baytarlıq-sanitariya tələblərinə və Azərbaycanın baytarlıq tələblərinə uyğundur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
