2016-cı ildə Türkiyənin şərq və cənub-şərq regionunda yerləşən 17 şəhərdə fəaliyyət göstərən şirkətlərdən 171 ölkəyə 1,9 mlrd. dollarlıq ixracat həyata keçirilib. "APA-Economics" xəbər verir ki, bu barədə Şərqi Anadolu İxracatçılar Birliyinin (DAİB) hesabatında qeyd olunub.
Sənədə əsasən, ixracın 8,44%-i və ya 160,3 mln. manatı Azərbaycanın payına düşür.
Regionda fəaliyyət göstərən şirkətlər ən çox İraqa mal ixrac edib. Belə ki, ötən il Türkiyənin şərq və cənub-şərq bölgəsindən İraqa 378 mln. dollarlıq mal ixrac olunub. İkinci yerdə 198 mln. dollarlıq göstərici ilə İran, üçüncü yerdə isə Azərbaycan qərarlaşıb.