Bakı. Aqşin Rafiqoğlu – APA-Economics. Azərbaycanda sərinləşdirici içki və dondurma məhsulları bazarında nəzarət tədbirləri gücləndirilib. Bu barədə “APA-Economics”ə İqtisadiyyat və Sənaye Nazirliyindən bildiriblər.
Yay mövsümünün başlanılması ilə əlaqədar istehlakçıların sərinləşdirici içki və dondurma məhsullarına artan tələbatı nəzərə alınaraq, nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti həmin əmtəə bazarlarında nəzarət tədbirlərini gücləndirib. Aparılan nəzarət tədbirləri zamanı sərinləşdirici içki və dondurma məhsullarının istehsalı və satışını həyata keçirən təsərrüfat subyektləri tərəfindən qanun pozuntusuna yol verildiyi aşkar olunduğu təqdirdə, qanunvericilikdə nəzərdə tutulmuş ciddi məsuliyyət tədbirləri görüləcək.
İstehlakçılardan istifadə müddəti ötmüş, keyfiyyətsiz sərinləşdirici içki və dondurma məhsullarının satışı halları ilə rastlaşdıqda, 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidməti və İqtisadiyyat və ya Sənaye Nazirliyinin 195-2 Telefon Məlumat Mərkəzinə məlumat vermələri xahiş olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
