Bakı - APA-Economics. "Embawood" şirkətinin yaradılmasına və inkişaf etdirilməsinə 80 milyon manat investisiya qoyulub.
"APA-Economics" xəbər verir ki, bu barədə "Embawood" MMC-nin baş direktoru Elşad Abbasov bildirib.
Baş direktorun sözlərinə görə, şirkətə İqtisadiyyat Nazirliyinin Sahibkarlığa Kömək Milli Fondu tərəfindən 3,2 milyon manat güzəştli kredit verilib: "Bu maliyyə dəstəyi müəssisəmizdə yeni avadanlıqların və müasir texnologiyanın tətbiqinə imkan yaradıb, istehsal gücünü və rəqabətqabiliyyətliliyi artırıb, daha keyfiyyətli məhsul istehsal etməyimizə səbəb olub".
O əlavə edib ki, bu gün şirkətimizdə 2 000-dək işçi çalışır.
"Təkcə son 3 ildə müəssisəmiz tərəfindən dövlət büdcəsinə 25 milyon manat məbləğində vergilər və sosial ödənişlər həyata keçirilib", - deyə E. Abbasov bildirib.
Onun sözlərinə görə, hazırda şirkətin Azərbaycanda 135 mağazası fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
