Bakı. Aqşin Rafiqoğlu - APA-Economics. Hindistanda qida məhsullarının emalı, kənd təsərrüfatı biznesi və süd məhsullarına dair VI beynəlxalq sərgi və sammit təşkil olunacaq.
Azərbaycanda İxracın və İnvestisiyaların Təşviqi Fondundan (Azpromo) “APA-Economics”ə verilən məlumata görə, sərgi və sammit sentyabrın 30-da Əhmədabad şəhərində keçiriləcək.
Azərbaycanda fəaliyyət göstərən sahibkarlar və işgüzar dairələr tədbirlərdə iştiraka dəvət olunur. Sərgidə iştirak etmək istəyən azərbaycanlı sahibkarlar Hindistanın Azərbaycandakı səfirliyinə müraciət edə bilərlər.